Жаңалықтар

cover

19 Желтоқсан 2021

Азия және Еуропа Қорының 2-ші Инновациялық Жоғары білім беру зертханасы (ASEF)

ISSAI техникалық жобасының координаторы Ербол Абсалямов 2021 жылғы 4 қараша мен 9 желтоқсан аралығында онлайн режимінде өткен ASEFInnoLab2 деп аталатын 2-ші Азия-Еуропалық жоғары білім беру зертханасының (ASEF) бағдарламасына қатысты. Бағдарлама жасанды интеллект (AI) инновациялық экожүйелеріндегі университеттердің рөліне назар аударады.

Бағдарлама өз университеттерінде жасанды интеллектті оқытуға немесе жасанды интеллект саласындағы ғылыми бастамаларға жауапты менеджерлерге, әкімшілерге және ғалымдарға арналған және жаңа идеяларды үйренуге, озық тәжірибелермен алмасуға және Азия мен Еуропадағы құрдастарымен ынтымақтастық орнатуға бағытталған.

Әдетте бағдарламаға қатысу үшін ашық конкурсқа жүздеген өтінімдер түседі. Барлығы 37 үміткер іріктеліп алынды, олардың бірі ISSAI жобасының техникалық координаторы Ербол болды.

6 апталық бағдарлама барысында қатысушылар нақты мәселелерді анықтап, жеке және масштабталатын іс-қимыл жоспарларымен жұмыс істеді. Ербол Canvas бизнес-моделіне ұқсас Canvas іс-қимыл жоспарының әдістемесін бағдарламаның соңғы аптасында өзінің жұмысының барлық әлеуетін ашудың және оны қорғаудың орталық құралы ретінде әзірлеуі керек еді. Сәтті қорғағаннан кейін Ербол аяқталғаны туралы сертификатпен марапатталды.

«ASEFInnoLab2 бағдарламасы маған жасанды интеллект экожүйесін дамытумен байланысты үздік тәжірибелер мен стратегияларды зерделеуге және алмасуға, жаңа идеяларды бірлесіп жасауға және бүкіл Азия мен Еуропаның түрлі мекемелерімен екі жақты әріптестік қарым-қатынас орнатуға мүмкіндік берді», – дейді Ербол.

ASEF-жалпы жаһандық проблемаларды шешу үшін Азия мен Еуропадан мамандарды біріктіретін үкіметаралық коммерциялық емес ұйым.

ASEFInnoLab2 – қатысушыларға озық тәжірибемен алмасу, жаңа идеяларды әзірлеу және келесі екі тақырып бойынша ынтымақтастық салаларын зерттеу мүмкіндік береді:

  1. Инновациялық жасанды интеллект экожүйелері үшін оқыту және кәсіпкерлік;
  2. Жасанды интеллекттің инновациялық экожүйелеріндегі технологияларды зерттеу және беру.
« of 4 »