Назарбаев Университетінің ISSAI және ARMS зертханаларының постдокторанты, докторАзамат Ешмұхаметов, Қазақстанның шағын қалалары мен ауылдарының оқушылары үшінробототехника бойынша тегін дәрістер оқиды.
Азамат “Qazaqstan TV” телеарнасының бастамасымен қолға алынған “Талпын” телебағдарламасына Қазақстанның шалғай аудандарындағы оқушыларға арналған робототехника пәнінің мұғалімі ретінде қатысты. Бағдарлама аясында Азамат Тараз қаласының маңындағы Ақбұлым ауылының оқушыларына робототехника бойынша дәріс оқыды.
Өз дәрісі барысында Азамат робототехниканың негіздері мен тарихы, адам мен роботтың өзараәрекетінің маңыздылығы және адамдар роботтардан алатын артықшылықтары туралы айтыпберді. Азамат сондай-ақ робототехниканы нақты өмірде сәтті қолданудың мысалдарын келтірді. Мысалы, ол роботтар 2011 жылы Жапонияда Фукусима-Дайити атом электр станциясындағы ядролық апат кезінде адамдарды зақымдалған ғимараттардан қалай құтқара алғанын атап өтті. “Талпын” бағдарламасының бейнежазбасымен мына сілтеме бойынша танысуға болады: https://qazaqstan.tv/videos/148023
Әр көктем мен жазда доктор Ешмұхаметов робототехника бойынша басқа қалалардың оқушыларына да тегін дәрістер өткізеді. Мысалы, ол Шымкент, Луговой, Талдықорған және Қаскелен қалаларының оқушыларына, сондай-ақ НЗМ студенттеріне дәріс оқыды. Қазіргі уақытта Азамат оқушыларға арналған робототехника бойынша кітап жазып жатыр, ол жақында жарыққа шығады.
“Қазіргі уақытта оқушылар арасында робототехника саласына қызығушылық өсіп жатыр, – дейді Азамат, – біздің Үкімет робототехниканы мектеп бағдарламасына енгізе бастағаны жастардың білім деңгейіне оң әсер етеді“. Робототехника бойынша тегін білім беру дәрістерін ұсыну елдегі технологиялық дамыған адами капиталдың дамуына оң ықпал етуі мүмкін.
Азаматтың тоғыз жылдық зерттеу тәжірибесі және бес жылдық оқыту тәжірибесі бар. Азамат Сәтбаев атындағы Қазақ ұлттық техникалық университетінде бакалавр дәрежесін және Токай университетінде (Жапония) магистр дәрежесін алды. Докторлық диссертациясының тақырыбы үздіксіз манипуляторлар туралы болған. Үздіксіз манипуляторлар – бұл піл тұмсығы немесе сегіздіктің қармалауышы сияқты үздіксіз иілген манипуляторлары бар роботтар. Үздіксіз роботтарының артықшылығы – шектеулі жұмыс кеңістігінде жұмыс істеуге мүмкіндік беретін структурасының қауіпсіздігі мен икемділігі, сонымен қатар қоршаған орта үшін абсолютті қауіпсіздігі. Азаматтың ғылыми қызығушылықтарына тенсегрит роботтары, үздіксіз роботтары, ауылшаруашылық роботтары, жобалау және қызмет көрсету роботтары кіреді.