2024 жылдың 14 қыркүйегінде Ақылды жүйелер және жасанды интеллект институты (ISSAI) Назарбаев Университетінің Ашық есік күні іс-шарасына қатысты. Бұл шара келушілерге университет кампусын зерттеуге, оқытушылар құрамымен және студенттермен кездесуге, мектептер мен бөлімдер ұйымдастыратын түрлі іс-шараларға қатысуға мүмкіндік береді.
Ашық есік күні барысында ISSAI командасы, оның ішінде аға деректер талдаушысы доктор Жанат Махатаева, аға PR менеджері Әлия Мұхидинова және деректер талдаушысы Рахат Мейрамов институттың негізгі жобалары мен әзірлемелерін таныстырды. Презентацияның негізгі бөлігі институтта жасалған адамның цифрлық прототипін көрсетуге бағытталды. Айбике (Aibike) – әртүрлі салалардағы адамдарға көмектесе алатын фотореалистикалық аватарда бейнеленген виртуалды көмекші.
Демонстрация НУ Ашық есік күні қонақтары үшін Айбикемен қазақ тілінде сөйлесудің тамаша мүмкіндігі болды. Келушілер: «НУ-ды Қазақстанның жетекші университеті ететін не?», «ISSAI елдегі ЖИ-тің дамуына қалай үлес қосады?», сондай-ақ Қазақстан тарихы мен ғылымы туралы түрлі сұрақтар қойды. Іс-шараға ата-аналарымен келген мектеп оқушылары Айбикеден болашақта қалай ИТ көшбасшысына айнала алатындығы жөнінде және ЖИ саласындағы білім мен дағдыларға қатысты сұрақтарына жауап алды. Айбикенің мазмұнды жауаптары жобаның одан әрі даму мүмкіндігінің зор екенідігіне дәлел болды.
НУ Ашық есік күні іс-шарасында ISSAI бұрышына 40-тан астам қонақ ықылас көрсетіп, институт жобаларына үлкен қызығушылық танытты. ISSAI командасының мүшелері барлық студенттерді 2025 жылғы Жазғы зерттеу бағдарламасына (SRP-2025) қатысуға шақырды.