26 және 27 наурызда Ақылды жүйелер және жасанды интеллект институты (ISSAI) Fiztex Алматы мен Алматы “Білім-Инновация” лицейінің оқушылары мен ата-аналарын қабылдап, оларды жасанды интеллект және заманауи зерттеулер әлемімен таныстырды.
26 наурызда Fiztex Алматы мектебінің оқушылары мен олардың ата-аналары ISSAI-ға барып, институттың соңғы жасанды интеллект жобалары мен инновацияларымен танысты. ISSAI өкілдері жасанды интеллектке негізделген негізгі қолданбалар туралы түсінік беріп, үш маңызды жобаны көрсетті: фотореалистік аватар Aibike, Soyle қосымшасы және Oylan тілдік көру моделі. Оқушылар зерттеушілермен белсенді қарым-қатынас жасап, жасанды интеллект және осы жаңа жобалар туралы сауалдар қойды.
Осыдан кейін, 27 наурызда Алматы “Білім-Инновация” лицейінің оқушылары ISSAI-ға келді. Оқушылар ISSAI-дің жасанды интеллект саласындағы бастамаларымен танысып қана қоймай, Жоғары робототехника және мехатроника жүйелері (ARMS) зертханасын да аралады. Зерттеу жетекшісі, доктор Азамат Ешмұханбетов пен оның ассистенттері, Алматы “Білім-Инновация” лицейінің түлегі әрі қазіргі уақытта Назарбаев Университетінің Инженерлік және цифрлық ғылымдар мектебінің 4-курс студенті Алмат Далабеков пен Назарбаев Университетінің Робототехника және мехатроника кафедрасының магистранты Манат Нұрсұлтан өздерінің жүргізіп жатқан зерттеулерін көрсетті. ARMS зертханасының жетекшісі AI-мен басқарыла алатын робототехникадағы соңғы жетістіктерді көрсете отырып, олардың түрлі салаларда қолдануға икемділігін атап өтті. Қонақтар үшін әсіресе қызықты жоба болған, ол – құбырлар ішіндегі техникалық қызмет көрсету жұмыстарын орындауға арналған манипуляторлы гибридті робот платформасы. Бұл робот тар орындарда жұмыс істей отырып, ең қолжетімсіз жерлерді жөндеуді тиімдірек жасауға мүмкіндік береді.
Сонымен қатар, оқушыларға ISSAI-дың жыл сайын өтетін Жазғы зерттеу бағдарламасы (SRP) туралы ақпарат берілді, бұл жас таланттарға жасанды интеллект зерттеу мен дамуына тереңірек үңілуге мүмкіндік береді.
Екі сапар да ISSAI-дың жас таланттар арасында жасанды интеллектке деген қызығушылықты арттыру және келешектегі жаңашылдар ұрпағын тәрбиелеудегі міндеттемесін күшейтті. ISSAI өз есіктерін оқушыларға ашу арқылы Қазақстандағы жасанды интеллект білім беру мен зерттеу саласында болашақты қалыптастыруға маңызды рөл атқарады. Институт осындай білім беру бастамалары арқылы болашақ ЖИ жетекшілерін шабыттандыруды жалғастыруға үміттенеді.