Ақылды жүйелер және жасанды интеллект институты (ISSAI) өзінің ресми түрде Astana Hub технопаркінің қатысушысы атанғанын мақтанышпен хабарлайды. Astana Hub – IT-стартаптар мен инновацияға бағытталған компанияларға арналған Қазақстанның жетекші халықаралық технологиялық паркі.

Astana Hub құрамына кіру ISSAI-ге институттың жасанды интеллект саласындағы зерттеулерін және ЖИ өнімдерін әзірлеу жұмыстарын ауқымдандыруға көмектесетін негізгі артықшылықтарға қол жеткізуге мүмкіндік береді.

Astana Hub технопаркіне қосылу ISSAI-дің жасанды интеллект саласындағы инновацияларды ілгерілету және өз ықпалын ұлттық әрі халықаралық деңгейде кеңейту миссиясын күшейтеді. Бұл ынтымақтастық ISSAI-ге технологиялық қауымдастықтың кең ауқымды ресурстарын пайдалануға және Қазақстанның өсіп келе жатқан цифрлық экономикасының дамуына белсенді үлес қосуға жол ашады.