Ақылды жүйелер және жасанды интеллект институты (ISSAI) бүгін Өзбекстан Республикасының Цифрлық технологиялар мен жасанды интеллектті дамыту ғылыми-зерттеу институтымен онлайн кездесу өткізді. Кездесудің мақсаты – екі ұйымның қазіргі жобаларын таныстыру және ғылыми-техникалық ынтымақтастықтың ықтимал бағыттарын талқылау болды.
Өзбекстан тарапынан кездесуге бас директор Анварходжа Қадыров, директордың орынбасарлары Дильшот Ахмедов пен Исомжон Байханов, сондай-ақ жасанды интеллектті дамытуға жауапты арнайы топтың мүшелері қатысты. ISSAI атынан кездесуге бас директор профессор Атакан Варол, атқарушы директор Ербол Абсалямов, IT өнімдерінің менеджері Амина Байкенова, заң кеңесшісі Даулет Алиев және сыртқы байланыстар жөніндегі аға менеджер Айгерім Сарсенова қатысты.
Кездесу ISSAI институтының миссиясы, ғылыми-зерттеу бағыттары және негізгі жобалары туралы Айгерім Сарсенованың жалпы таныстырылымымен басталды. Одан кейін Қадыров мырза Өзбекстан институтының бастамалары мен стратегиялық басымдықтары жөнінде таныстырылым жасады.
Таныстырылымдардан кейін тараптар ынтымақтастықтың мүмкін бағыттарын талқылады. Үміт күттіретін бағыттардың бірі – ірі тілдік модельдерді (LLM) бірлесіп жұмыс істеу, соның ішінде өзбек тілін ISSAI-дің көптілді жасанды интеллект модельдеріне интеграциялау мүмкіндігі болды. Сондай-ақ, ғылыми жарияланымдарды бірлесіп жазуға өзара қызығушылық білдірілді.
ISSAI бұл бағытта бұлтты технологияларды пайдалану бойынша тәжірибесімен бөлісуге дайын екенін білдірді. Екі ұйым да бірлесіп жұмыс істеуге үлкен қызығушылық танытып, нақты ынтымақтастық бастамаларына көшу жолында тығыз байланыста болуға уағдаласты.
Бұл кездесу жасанды интеллект саласындағы зерттеулер мен әзірлемелер бойынша өңірлік ынтымақтастықты нығайту жолындағы маңызды қадам болды. Тараптар ұзақ мерзімді және мағыналы әріптестікке сенім білдірді.