2025 жылғы 20 маусымда Астанада GovHR форумы өтті. Іс-шара адами ресурстарды басқару, цифрлық мемлекеттік басқару және жасанды интеллект салаларындағы мамандарды біріктірді. Форум Мемлекеттік басқару академиясында өтіп, «Жаңа жүйелер, заманауи қызметтер, инновациялық шешімдер» тақырыбына арналды. Қатысушылар мемлекеттік қызметті технологиялар мен инновациялар арқылы дамыту перспективаларын талқылады.
Назарбаев Университетіндегі Ақылды жүйелер және жасанды интеллект институтының (ISSAI) директоры әрі негізін қалаушы профессор Атакан Варол бірыңғай HR жүйесіне арналған Fishbowl сессиясында сөз сөйледі. Ол өз баяндамасында жасанды интеллект технологиялары шешім қабылдау сапасын арттыруға, күнделікті процестерді автоматтандыруға және мемлекеттік сектордағы қызметтерді дараландыруға мүмкіндік беретінін атап өтті.
Сондай-ақ профессор Атакан Варол ИИ шешімдерін әзірлеу барысында мінез-құлық ерекшеліктері мен қоғамдық психологияны ескеру маңызды екенін атап өтті. Бұл әсіресе адами ресурстарды басқару саласында өзекті. Бұл салада деректерге негізделген аналитика жұмыс күшін тереңірек талдауға, қызметкерлердің тиімділігін дәлірек бағалауға және тұрақты кері байланыс жүйелерін енгізуге мүмкіндік береді. Мұндай тәсілдер кадрларды дамытуға және көрсетілетін қызметтердің сапасын арттыруға ықпал етеді.
Форумға Қазақстаннан және басқа елдерден, соның ішінде АҚШ, Оңтүстік Корея, Руанда, Моңғолия, Тәжікстан және Катардан келген сарапшылар мен практиктер қатысты. Профессор Варолдың сөзі ISSAI институтының жасанды интеллект саласындағы заманауи әзірлемелерді қоғам игілігі үшін, соның ішінде мемлекеттік басқару саласында да қолдануға ұмтылысын көрсетті.