2025 жылғы 4 қыркүйекте Назарбаев Университетінің Ақылды мен жасанды интеллект институты (ISSAI) Қазақстандағы Жасанды интеллектті дамыту қауымдастығының (QazAI) өкілдерін қабылдап, елімізде жасанды интеллектті дамыту мәселелерін, соның ішінде Қауымдастық ұсынған «Жасанды интеллект туралы» Қазақстан Республикасы Заңының жобасына енгізілетін түзетулерді талқылады.
QazAI ұсынған түзетулер Қауымдастықтың бірыңғай ұстанымын көрсетіп, алдағы заңнаманың инновацияны да, жауапты басқаруды да қолдауына бағытталған. Кездесу барысында қатысушылар ISSAI мен QazAI арасындағы ынтымақтастық мүмкіндіктерін, сондай-ақ жасанды интеллекттің тұрақты дамуын қамтамасыз ететін құқықтық негізді күшейту жолдарын талқылады.
QazAI делегациясының құрамында қауымдастық төрағасы — Бақытжан Ешмұхамбетов және мемлекеттік органдармен байланыс жөніндегі директор — Әсел Абақова болды. Олар қауымдастықтың ұсынымдарын және жасанды интеллекттің елдің цифрлық трансформациясындағы рөлін таныстырды.
ISSAI тарапынан кездесуге институттың негізін қалаушы және директоры — доктор Хүсейн Атакан Варол, атқарушы директор — Ербол Абсалямов, өнімдерді дамыту жөніндегі директордың міндетін атқарушы — Амина Байкенова, мемлекеттік органдармен байланыс жөніндегі менеджер — Алаидар Амирсеит және сыртқы байланыстар жөніндегі аға менеджер — Айгерім Сарсенова қатысты. Айгерім Сарсенова институт туралы кіріспе презентация жасап, ISSAI-дың жасанды интеллект саласындағы негізгі зерттеу жобалары мен өнімдері туралы айтты.
Құқықтық және нормативтік мәселелермен қатар, тараптар ғылым мен индустрия арасындағы ынтымақтастықтың маңыздылығын, этикалық қағидаттарды және жергілікті мамандар әлеуетін арттыру қажеттілігін де талқылады.
Кездесу екі ұйымның жасанды интеллектті зерттеу, реттеу және қолдану саласында бірлесіп жұмыс істеуді әрі қарай жалғастыру және ынтымақтастықтың нақты бағыттарын қарастыру туралы келісіммен аяқталды.