1-3 ақпан аралығында Ақылды жүйелер және жасанды интеллект институтының командасы Digital Almaty 2024 халықаралық цифрлық форумына қатысты. Институт атынан ISSAI директорының операция жөніндегі орынбасары Ербол Абсалямов, аға деректер талдаушысы Асқат Күздеуов, деректер талдаушысы Мадина Абдрахманова, постдокторант Төлеген Ахметов, сондай-ақ аға PR үйлестірушісі Әлия Мұхидинова қатысты. Шараны ҚР Цифрлық даму, инновациялар және аэроғарыш өнеркәсібі министрлігі, ҚР Сыртқы істер министрлігі және Алматы қаласының әкімдігі ұйымдастырды.
Digital Almaty 2024 алтыншы халықаралық цифрлық форумының тақырыбы «Industry X: болашақтың цифрлық эволюциясы» болды. Форум сандық индустрияның жаңа дәуірін құруға бағытталған тәжірибе мен идеялар алмасу үшін ШЫҰ және ЕАЭО елдерінің мемлекеттік қызметкерлерін, жетекші сарапшылары мен кәсіпкерлерін жинады.
ISSAI тобы Қазақстан Республикасының Премьер-Министрі Әлихан Смайыловқа және ЕАЭО елдерінің делегациясына Tilmash, Soyle, ISSAI Dauys App және Қазақ тіліндегі мәтінді сөйлеуге 2 жаңа ғылыми жобаларын көрсетті. Айта кетейік, пленарлық отырыс барысында Әлихан Смайылов суперкомпьютерлер ғылыми-зерттеу институттары үшін 2024 жылдың соңына дейін қолжетімді болатынын мәлімдеді.
Форумның инновациялық аймағында ISSAI постдокторанты Төлеген Ахметов өнеркәсіптік сектор өкілдерінің, студенттердің, зерттеушілердің және іс-шараның басқа қонақтарының жоғары қызығушылығын тудырған өнеркәсіптік қауіпсіздікке арналған AR шешімін ұсынды.
Форум барысында ISSAI негізін қалаушы, профессор Атакан Варол Сингапур технологиялық институтының (SIT) құрметті профессоры, бұрын Сингапурдың киберқауіпсіздік министрі қызметін атқарған Якуб Ибрагиммен кездесті. Кездесуде профессорлар Қазақстандағы ЖИ дамуының келешегін талқылады.
Форум алаңында өзекті тақырыптар бойынша панельдік сессиялар ұйымдастырылды. Профессор Варол сессияда машиналық оқыту бойынша баяндама жасап, Қазақстан үшін үлкен ұлттық тіл үлгілерін (LLM) әзірлеудің ерекше маңыздылығын атап өтті.
Форумның үш күнінде ISSAI бөліміне көптеген қонақтар келді, оның ішінде танымал экономист және журналист Рахым Ошақбаев, Masa.media жобасының негізін қалаушы Әсем Жәпішева және т.б болды.