2024 жылғы 25 қыркүйекте Қазақстанның ірі медиа-баспаларының бір топ журналистері мен редакторлары Ақылды жүйелер және жасанды интеллект институты (ISSAI) жанындағы Озық робототехника және мехатроника зертханасына (ARMS) барды.
Сапар барысында ISSAI постдокторанты және ARMS зертханасының меңгерушісі, доктор Азамат Ешмұхаметов тенсегрити-роботтар бойынша өзінің ғылыми жұмысымен таныстырып, олардың негізгі ерекшеліктерін, артықшылықтарын және өнеркәсіп пен өндірісте қолданудың әлеуетті мүмкіндіктерін атап өтті. Өз кезегінде, ISSAI деректерінің аға талдаушысы, доктор Жанат Махатаева ISSAI Kaz-LLM жобасының жекелеген бөліктеріне тоқталып, онымен қоса алғанда, Институттың негізгі жобалары мен әзірлемелеріне қысқаша шолу жасады. Доктор Махатаева сондай-ақ білім беру, медицина және ойын-сауық салаларында мета-аватарлардың қалай қолданылатынын түсіндіре отырып, адамның Umay цифрлық прототипін көрсетті.
Қонақтар ISSAI жобаларына айтарлықтай қызығушылық танытып, таныстырылымдары үшін Институт командасына алғыс білдірді.