2022 жылғы 12 тамызда Біріккен Ұлттар Ұйымы Бас Ассамблеясының 76-шы сессиясының Төрағасы Абдулла Шахид Назарбаев Университетіне (НУ) ресми сапары аясында Ақылды жүйелер және жасанды интеллект институтының (ISSAI) зертханасына келді.
НУ президенті Шигео Катсу құрметті қонақты кампуста қарсы алды, оған университеттің бас жоспарын көрсетті және кампус бойынша қысқаша экскурсия жасады, соның ішінде ISSAI зертханасына да шолу жасады.
ISSAI негізін қалаушы директоры, профессор Атакан Варол мәртебелі мейманды қарсы алып, оған ISSAI зертханасына экскурсия жүргізді, одан кейін ISSAI зерттеушісі Асқат Күздеуов ISSAI жобалары туралы кіріспе презентация жасады. ISSAI-дың қоғаммен байланыс жөніндегі менеджері Құралай Байменова бұдан кейін институттың табиғи тілдерді өңдеу жобалары туралы айтып, ISSAI зерттеушілері әзірлеген қазақша мәтінді дыбысқа өзгерту жобасын көрсетті.
Сонымен қатар, зерттеушілер Даниил Филимонов пен Гурав Деваппа Могер өздерінің ғылыми жобалары туралы айтты. Даниил тенсегрити құрылымдары мобильді роботтарды қабылдауды қалай өзгерте алатынын түсіндірді, өйткені олар жеңіл болған кезде ауыр жүктемелер мен күшті соқтығыстарға төтеп бере алады. Мұндай роботтарды қолданудың ең өтімді мысалдарының бірі іздеу-құтқару жұмыстарында.
Абдулла Шахид ерекше саясаткер және тәжірибелі дипломат ретінде кеңінен танымал. Ол Мальдив Республикасының үкіметтік және заң шығарушы құрылымдарында ұзақ уақыт жұмыс істеді. 2021 жылы БҰҰ Бас Ассамблеясының 76-сессиясының төрағасы болып сайланды. «Сіздер болашақ көшбасшыздар, шешімді де сіздер қабылдайтын боласыздар. Көңіліңізді көтеріңкі ұстап, үмітіңізді үзбеңіз. Әрқайсыңыз жағдайды жақсы жаққа өзгерте алатыныңызға өзіңізге сенуді тоқтатпаңыз. …Жастар ретінде сізде өте көп күш пен құштарлық бар. Бүгінгі күнде бізге керегі де осы. Өзіңізге деген сеніміңізді жоғалтпаңыз», – деді Абдулла Шахид НУ студенттеріне арнаған сөзінде.