16 сәуірде Назарбаев Университетінің Инженерлік және цифрлық ғылымдар мектебінің профессорлары, оның ішінде профессор Анар Сандығұлова, профессор Тохид Ализаде, профессор Тон Дук До, профессор Жанат Қаппасов, сондай-ақ Смарт жүйелер және жасанды интеллект институты командасының мүшелері, оның ішінде директордың орынбасары Ербол Абсалямов, докторанттар Жанат Махатаева, Төлеген Ахметов, Азамат Ешмұхаметов және PR менеджері Әлия Мұхидинова Астана қаласында орналасқан «Сана» білім беру орталығында болды.
Бұл орталық жоғары деңгейде жабдықталған және мектеп оқушыларына таңдау жасауға мүмкіндік беретін түрлі бағыттағы секциялар мен үйірмелер бар. Орталық робототехника, бағдарламалау, бейнелеу өнері, вокал, бокс сабақтарын өткізеді, тіпті жас авторлар мен подкаст жүргізушілерін де дайындайды.
Қонақтардың сапары аясында Назарбаев Университетінің Инженерлік және цифрлық ғылымдар мектебінің профессорлары мен ISSAI командасының мүшелеріне балаларға арналған сабақтар өткізілетін аудиториялар мен сынып бөлмелері таныстырылды. Бұл орталықтың жабдықталу деңгейі және мұндағы балалардың әлеуетін дамытуға арналған мүмкіндіктердің жеткілікті дәрежеде болуы барлығына жақсы әсер қалдырды.
Сапар нәтижесінде ISSAI командасы мен НУ SEDS профессорлары алғыстарын білдіріп, «Сана» білім беру орталығының өкілдерін университеттің қызметі мен ағымдағы жобалары туралы көбірек білу үшін Назарбаев Университетіне келуге шақырды.