2024 жылдың 21 тамызында Смарт жүйелер және жасанды интеллект институтының (ISSAI) аға деректер талдаушысы, доктор Жанат Махатаева Назарбаев Университетінің қабырғасында өткен Қазақстан білім беру қызметкерлерінің Ұлттық саммитіне қатысты. Биылғы жылы саммит білім беру үдерісін цифрландыру және жасанды интеллектті білім берумен интеграциялау мәселелеріне арналды.
Доктор Жанат Махатаева саммит сессияларының біріне «Аватарлар, жасанды интеллект және білім беруді жаңғыртуға арналған толықтырылған шындық» тақырыбымен қатысты.
Ол адам мен компьютердің өзара әрекеттесуіне толықтырылған шындықты, жасанды интеллект пен виртуалды аватарды енгізудің халықаралық тәжірибесін, сонымен қатар толықтырылған шындық көзілдірігі саласындағы жетістіктерді ұсынды. Жанат сонымен қатар ЖИ пен компьютерлік көру саласындағы ISSAI жобалары және әзірлемелерімен таныстырып, Қазақстандағы жасанды интеллектіні дамытудағы институттың рөлін атап өтті. Презентация барысында ол толықтырылған және виртуалды шындық технологияларының тарихын сипаттай отырып, адам мен машина арасындағы симбиоз тұжырымдамасын түсіндірді. Жанат білім берудегі адам мен технологияның өзара әрекеттесу процесінде виртуалды аватарды қолданудың нақты мысалдарын келтірді.
Доктор Жанат Махатаева мектептерде жекелендірілген білім беруді енгізу мақсатында жасанды интеллект арқылы жасалған мұғалімдерге арналған виртуалды көмекшілерді дамыту туралы айтты. Жанаттың жүргізген сессиясы мұғалімдердің үлкен қызығушылығын тудырды, тыңдаушылар тарапынан көптеген сұрақтар мен пікірлер айтылды. Қонақтардың презентацияға тартылуы үлкен қызығушылық туғызды.