ISSAI жобасының техникалық үйлестірушісі Ербол Абсалямов және деректер талдаушы Ақнұр Қарабай Түркістаннің жетекші университеттерінде Институттың есептеу ресурстары бойынша семинарлар өткізді. Мұхтар Әуезов атындағы Оңтүстік Қазақстан университетіне (ОҚУ) және Ахмет Ясауи атындағы Халықаралық қазақ-түрік университетіне сапар 11-14 қараша аралығында қазақстандық университеттер арасында жасанды интеллектті пайдалана отырып есептеулерді ілгерілету және бірлескен зерттеулер үшін әлеуетті ынтымақтастықты жолға қою мақсатында өтті. ОҚУ – студенттер саны бойынша Қазақстандағы ең үлкен университет – 27000.
2021 жылдың соңында ISSAI өзінің зерттеу модельдерін қашықтан тегін іске қосу үшін қазақстандық университеттер үшін ортақ пилоттық сервер ретінде пайдалану үшін NVIDIA DGX-1 серверін дайындауға кірісті.
Сапар барысында ISSAI өкілдері көрермендерді институттың миссиясымен және зерттеу қызметімен таныстырды, оның есептеу ресурстарының техникалық ерекшеліктері мен параметрлерін және NVIDIA DGX-1 көмегімен зерттеулердің қалай жүргізілетінін түсіндірді. Сондай-ақ қашықтан қол жеткізу мүмкіндігі және бірлескен зерттеулер үшін қызметкерлермен алмасу мүмкіндігі талқыланды. Филология профессорлары өздерінің магистранттары мен зерттеушілерін ISSAI машиналық аударма жобасымен таныстыру үшін семинарға шақырылды. Бірлескен зерттеулердің болжамды бағыттары – объектілерді анықтау, табиғи тілді өңдеу, бетті тану, машиналық оқыту және автоматтандырылған дизайн.
ISSAI жасанды интеллект саласындағы зерттеулер тәжірибесі мен әлеуетін арттыру үшін басқа қазақстандық университеттермен ынтымақтасуға ұмтылады.