2026 жылғы 24 қыркүйекте Назарбаев Университетінің Ақылды жүйелер және жасанды интеллект институтының (ISSAI) зерттеушілері әл-Фараби атындағы Қазақ ұлттық университетінің (ҚазҰУ) ғылыми қызметкерлеріне арналған практикалық семинар өткізді.

Семинар Қазақстан Республикасы Ғылым және жоғары білім министрлігі Ғылым комитетінің гранты аясында ISSAI әзірлеген Qolda AI модельдерін бағалау және қолданысқа енгізу мәселелеріне арналды (нысаналы қаржыландыру бағдарламасы BR24993001).

Семинар барысында ISSAI-дың деректер жөніндегі аға ғылыми маманы Ақылбек Махутов Qolda модельдерін бағалау және олардың салыстырмалы сынақтарын өткізу әдістерін түсіндірді. Ол қатысушыларды бенчмаркинг үдерісімен, соның ішінде тест жиынтықтарын жинақтау және AI модельдерін жүйелі түрде бағалауға арналған тест жиынтықтарын әзірлеу тәсілдерімен таныстырды.

ISSAI зерттеушісі Ғаламаддин Асқар Qolda модельдерін жеке ноутбуктер мен смартфондар сияқты шеткі құрылғыларда іске қосу бойынша практикалық тәжірибесімен бөлісті. Ол AI модельдерінің тікелей пайдаланушылардың құрылғыларында жұмыс істей алатынын көрсетіп, шеткі құрылғылардағы жасанды интеллекттің (Edge AI) тиімді әрі қолжетімді енгізу мүмкіндіктеріне тоқталды.

Семинар қатысушыларға AI моделінің өмірлік циклі — бағалау мен салыстырмалы сынақтардан бастап, шеткі құрылғыларда іске қосуға дейінгі кезеңдер туралы практикалық білім алуға мүмкіндік берді. Сонымен қатар Qolda модельдерінің нақты қолданылу мүмкіндіктері мен құрылғының өзінде жұмыс істейтін AI технологияларының әлеуеті таныстырылды.